كلمته غرست بداخلي أعظم القيم

كثير عندي سوالف حابه أقولها



بخبركم سالفة عجبتني بصراحه




سمعوها أو بالأحرى أقرأوها


كنت في بيت أختي وراحت تجيب قهوة


وخلت ولدها فارس اللي ما يتجاوز سنه ونص عندي


أنا كنت أقرا جريدة والطفل في حضني ومخليه الجريدة على الأرض وأقلبها

فجأة بلهجة طفوليه سمعته يقول لي أبوش


ضحكت قلت له من أبوي؟


قال باباه أبوش

أنا ما فاهمه

وبيده الصغيره أشار على صورة قابوس

ونزل من حضني


وراح صوب الصورة في الجريدة وباسها قال أبوش


فهمت أن الطفل يقصد قابوس

بصراحه تفاجأت أنه يعرفه وأنه يبوس صورته

وجت أختي قلت لها ما شاء الله ولدك يعرف قابوس


قالت ترا أبوه دوم يراويه الصورة ويقوله هذا بابا قابوس ويخليه يبوس الصورة


الموقف عجبني كثير أنهم غارسين في نفس ولدهم حب القائد وهو بعده صغير

وتسائلت هل كل الأسر تفعل ذلك لأنني وبكل صراحه لم ألحظ روح المواطنه أبدا في طلاب مدارسنا إلا عند القليل منهم



أتمنى عجبكم الموقف مثل ما عجبني ليس لأنه ولد أختي ولكن لأنه غرس في داخلي شي له قيمة