الحمدلله على السلامة

صح ماخبرتكم عن الحادث اللي صار لي تاريخ 25/ 2 /2007م


كنت رايحة من المستشفى عندي موعد <<< ما تلوموني تراه دوم مواعيد

في المستشفيات الله يشافيكم

وخلصت بدري مع أن الطبيب أعطاني إجازة لكن قلت لا بسير الدوام بعده واجد بدري


وفي الطريق كنت ماسكة الهاتف وأتذكر أني جالسه ارسل رسالة


حسيت السيارة تروح وتجي يمين ويسار


وغبت عن الوعي


هذا الحكي الساعه 8 الصباح


أسمع اصوات وبكاء وأمي تقول أفتقرت من بنتي


قلت واحوفي عب أنا مايته والميت قرأت أن آخر حاسة تروح عنده هي السمع وأريد اتكلم وما قادرة


وفجأة فتحت عيوني شفت ناس واجدين وأخواتي وأخواني يقولوا نهضت والكل جاي صوبي


لما شفت أمي تبكي بكيت بقوة وبصوت عالي وركض الدكتور يطلعهم من الغرفة


الساعه على الحائط 6 المساء


يعني 10 ساعات وأنا في غيبوبة


قلت للدكتور رجولي فيهن شي أنا فيني شي؟


قال لا وأحمدي ربك أنك بخير وطلعتي من الحادث بدون اي شي


شفت على خواتي قلت لهن وسيارتي <<< للعلم أحبها كثير كنت كانت ليجاسي رقم 1 زرقاء


شافت علي أختي وقالت تغيب السيارة أهم شي أنت


قلت لها مالها؟


قالت تكنسلت وبصراحه حزنت عليها كثير بس سلامة الروح أحسن


كل اللي شاف الحادث قال ميته هذه ، للأسف لغيوا كل الصور عشان ما أتذكر لو عندي صورة كنت

بنزلها لكم


ولكن الحمدلله ما صابني شي


وصمت شكر لربي


جلست ما يقارب 5 أشهر ما أسوق أخاف مع أني البر ماحسيت بالحادث أساسا


الحمدلله الذي نجاني